Freezer hefur talað

Hugmynd

Tue, 06 Jan 2009 08:40:56 GMT

ég með minn einfalda huga, hef hér eina hugmynd fyrir fyrrum auðmenn landsins.

Tökum dæmi með Jón Ásgeir. Hvernig væri að hann myndi setja sér laun, að hámarki 500þús og taka svo hagnað, ef einhver er,
af rekstri fyrirtækja sinna og láta hann renna allan í heild sinni til uppbyggingar landsins. Fyrirtæki hans myndu sem sagt
vera rekin á sléttu í nokkurn tíma núna og engin gróðafíkn væri við lýði.

Ekki svo einfald segi þið þá, hvað með hluthafana og motivation fyrir starfsfólk og aðra við að berja fyrirtækið áfram
og hvatning við að gera vel.

Jú jú, mér gæti ekki verið meira sama um hluthafana og þeirra græðgi, punktur. Hvað varðar motivation fyrir starfsfólk
þá á það náttúrulega að vera motivation enough að berjast fyrir bættu ástandi til handa landi og þjóð.

Þetta er svo háð því að stjórnvöld landsins fari að gera eitthvað í þessu og láti ekki allt renna beint út í sjó, eða
láti bresk stjórnvöld taka sig ósmurt.

og hananú !

Sorgarferlið - ekki fyrir viðkvæma og/eða börn

Fri, 14 Nov 2008 14:52:00 GMT

Ég bara verð að setja þetta hérna inn, því þetta er nákvæmlega eins og manni líður stundum þegar maður hugsar um þetta bull sem er í gangi í dag, en lætur það þó vera að opna sig svona.
Ef þú ert dóttir mín sem er að fara að lesa þetta, þá hættu strax að lesa 8|

En here goes....

Ung kona frá Egilstöðum skrifar um mál málanna og sýnir það hvað fólk er yfirvegað og sýnir mikla stillingu á þessum erfiðu tímum.

Hér er greinin:

Ég er að reyna að komast ekki á reiðistigið í "sorgarferli" mínu í umrótinu sem ríður öllu í dag. En, það er að mistakast og maður sér alltaf í bíómyndum að maður eigi að "skrifa" sig frá því sem plagar mann. Só itt gós.....

FOKKJÚ SKÍTA ANDSKOTANS HELVÍTIS DJÖFULSIN DRULLA...... Takk andskotans drulluháleistar sem skriðu úr endaþarmi móður ykkar, "útrásarvíkingatussur". Takk fyrir að stofna lífshögum mínum í hættu. Takk fyrir að ógna félagslegu öryggi mínu. Takk fyrir að stofna fjárhagslegu sjálfstæði mínu í hættu. Takk fyrir að gera börn mín eilífðar skuldbundin Rússaandskotum eða Alþjóðaglæpagjaldeyrissjóðnum. Takk fyrir að gambla með peningana mína fyrir lystifokkingsnekkjur og rándýrar íbúðir á uppsprengdu verði í helstu höfuðborgum heims. Takk fyrir að vera ósýnilegir en forhúðarostalyktin kemur upp um ykkur helvístis sveppagerlarnir ykkar. Hvar eru forsíðurnar nú afykkur akandi um á Lexusum og Range Roverum? HVAR ERU FOKKING PENINGARNIR OKKAR? Ætlið þið að borga húsnæðislánið mitt, sem er þó íslenskt verðtryggt, en á ábyggilega eftir að rjúka upp í óðaverðbólgu? Djöfull þurfið þið EKKERT að pæla í slíkum smáskít kampavínssjúgandi lirfubellir, ánamaðkar holræsisins, saurbjöllukúkarnir ykkar. Hálfvitar, þið hafið gert Ísland að endaþarmi andskotans og þjóðina að gyllinæðinni. Takk fyrir það. Ef einhverntíman kemur til þess, helvítis andskotar, að ég missi þakið yfir höfuðið, get ekki gefið börnum að borða eða veitt þeim heilbrigðisþjónustu. Þá skal ég láta ykkur vita eitt.

Heimurinn er lítill og það er ekki nokkur kjaftur á þessu andskotans guðsvolaða skeri sem hefur nokkurra hagsmuna að gæta gagnvart ykkur.

Þið skuluð fokking biðja til Óðins að restin að aurum ykkar dugi fyrir ferð til fokkings tunglsins. AÐRALEIÐ. Drulluháleistar. Ég þakka áheyrnina. mér líður mun betur og held að ég hafi komið mér í gegnum margra daga prósess í "sorgarferli" mínu með þessum hætti.

Stöð 2 - Crazy

Wed, 12 Nov 2008 19:46:28 GMT

Þeir eru orðnir brjálaðir þarna upp á Stöð 2. Þeir eru farnir að troða auglýsingum inn í alla þætti sem eru þar í gangi. Meira að segja Simpson sem er 20 mín þáttur er eitt auglýsingahlé.
Þetta hlýtur að verða til þess að fólk gefst upp á þessu... eða kannski verður þetta bara eins og erlendis, endalaus auglýsingahlé og öllum er sama.

Æi ég veit ekki, ég er allavegana að gefast upp á þessu. Fínt að spara líka, með því að losa sig við þetta allt saman.

Myndin

Sun, 09 Nov 2008 09:49:38 GMT

Jæja, sá nýjustu Bond myndina í gær. Var reyndar ekkert allt of sáttur með hana satt best að segja. Jú, jú mikill hasar og læti. Actiona hér og þar. Sprengingar, eltingaleikur, skotgleði og nokkrir dauðir ennnn...
Þetta var einhvern veginn ekki Bond, þ.e. hinn eini og sanni Bond. Það er til fullt af myndum með öllum þessum hasar innanborðs, svona eins og Bourne gaurinn. Önnur hver hasarmynd er með öll þessi læti innanborðs.
Ég vill fá að sjá í Bond myndum hið ekta Bond. Allt delludótið sem hann er með, allt kvennafasið og húmorinn. Það er Bond og það er það sem aðgreinir Bond myndirnar frá hinum vanalegu hauslausu hasarmyndum. Illmennið var meira að segja bara venjulegt illmenni eins og í öllum öðrum hasarmyndum og sætkickið hans var ekkert merkilegt.

Ég myndi bara gefa henni 2,5 stjörnu fyrir góðan hasar og afþreyingu en hugsa að ég horfi frekar bara á gamla góða Roger Moore með hans annars hlægilegu græjur, sem eldast reyndar frekar illa, og græjukallinn Q...já, eða hans nýja aðstoðarmanns, sem ég man ekki hvað heitir en var leikinn af John Cleese.

Versti Bondinn kostinn

Fri, 07 Nov 2008 23:20:20 GMT

Jebb, það var Timothy Dalton sem vann versti Bondinn keppnina með nokkrum yfirburðum á þessar vinsælu blogg-síðu minni. Heil 6 atkvæði féllu honum í skaut. Geroge Lezenby fékk 2, aðrir ekkert.

Meira um Bond. Fer á morgun með minni guggu að horfa á nýjasta Bondinn og hlakka nokkuð, ef ekki bara all mikið til. þetta er náttúrulega bara möst að sjá, þ.e. Bond.

Nú er maður dottinn pínulítið inn í Facebook dæmið og því er maður lítið hér inni að skrifa. Aðalega vegna þess að á Facebook er maður lítið að skrifa einhverja pistla og það fer mér vel. Bara örfá orð sem maður tönglast á þar, sem er fínt.

Allavegana, þið finnið mig þar ef þið viljið tjá ykkur eitthvað.

Harry Houdini

Sat, 01 Nov 2008 19:46:01 GMT

Spurs er að gera kraftaverk. Þeir eru þvílíkt búnir að snúa genginu sér í vil. Búnir að vinna Bolton, gera svaðalegt jaftefli við Arsenal eftir að hafa verið 4-2 undir þegar 2 mín eru eftir af leiknum og svo vinna þeir Liverpool.

Stjórinn er að gera þvílíkt kraftaverk með þetta lið að það hálfa væri nóg.

Ekki að spila besta boltann, það skal ég viðurkenna en metnaðurinn og viljin er til staðar og það dugar ansi langt.

Þvílík snilld !!!

Nýr stjóri !!

Sun, 26 Oct 2008 12:38:31 GMT

Tottenham, eða Daniel Levy stjórnarformaður Tottenham er búinn að reka allt hyskið. Ramos, Poyet, Alvarez og Director of football, Comolli.

Í stað þessa réði hann Harry Redknapp stjóra hjá Portsmouth. Einn fyrir alla þessa 4 :haha:
Redknapp tekur einhverja með sér væntanlega en það besta við þetta allt saman, er sem sagt að segja að ég sé mjög sáttur við þessa ákvörðun Levy, er að DOF Comolli er farinn enda bara gaur sem er fyrir stjóranum því hann er alltaf að kaupa einhverja vesalinga. Þegar Jol var með liðið þá bað hann um ákveðna típu leikmanna en fékk einhverja allt aðra í staðinn. Fékk sem sagt engu ráðið og allt í bulli.

Nú sér bara Redknapp um pakkan og fær þá sem hann telur vanta.
Hef fulla trú á því að Redknapp geti bjargað liðinu frá falli því hann hefur staðið í þeirri baráttu áður með önnur lið og reddað þeim. þar hefur hann meira að segja ekki haft úr eins miklum fjármumum að moða.

Tottenham er stór klúbbur, vel rekinn og með mikla hefð. þrátt fyrir að ekki hafi verið mikið blómaskeið hjá klúbbnum lengi þá er hefðin mikil og ekki hægt að líta framhjá sögunni þar sem margir titlar hafa komið í hús.
Redknapp hefur verið að stjórna liðum eins og Portsmouth, West Ham og Southamton. Þetta eru fínir klúbbar en ekki með eins mikla sögu og Tottenham og því mikið skref hjá Redknapp og ég er viss um að hann hafi núna tækifæri til að sanna virkilega hversu góður stjóri hann er.

Bjartsýni er kominn aftur í hús hjá mér og von um að liðið bjargi sér frá falli hefur kviknað.

...allavegana þangað til leikurinn við Boltan í dag er búinn :d

James Bond

Tue, 21 Oct 2008 20:21:38 GMT

Búinn að vera að horfa á James Bond núna á Stöð 2 síðastliðna fimmtudaga. Svakalega fínt að kíkja á Bondarann með svona reglulegu millibili. Allt of langt síðan maður sá þessar myndir síðast.
Sumar þessara mynda hafa reyndar ekkkki staðist tímans tönn eins og síðasta mynd sem ég reyndi að horfa á, entist ekki nema í 30 mín eða svo, var Licance to Kill. Afar döpur mynd verð ég að segja.

Í framhaldi af þessu skellti ég hér könnun á síðuna til að fá álit fólks á því hver sé nú lélegast Bondinn.

Ísland - Makedónía - einkunnir

Wed, 15 Oct 2008 23:24:33 GMT

Jæja, maður verður að halda áfram að setja hér inn einkunnargjafir eftir leiki Íslands.

Ísland vann í dag á heimavelli og virkaði sigurinn bara þónokkuð sannfærandi þrátt fyrir nokkra pressu frá Makedóníu í seinni hálfleik.

Gunnleifur...............................9
Mjög góður leikur hjá Gulla í kvöld. Nú í fyrsta skiptið í mörg ár finnur maður fyrir öryggi við markið okkar, eða frá því Árni Gautur var á sínum fyrstu árum. Gulli var að verja vel þau skot sem komu á hann og var maður einhvernveginn aldrei smeikur við skot sem komu að utan.

Gretar Rafn.............................8
Fínn leikur hjá Gretari og er greinilega traustur þarna í bakverðinum. Var líka fínn fram á við. Rak Birki áfram líka.

Kristján Örn............................9
Er að verða ferlega góður leikmaður. Tæklar allt og er mjög fljótur. Skilar einnig boltanum vel frá sér. Ef hann fer ekki að fá tilboð frá betri liðum en hann er hjá í dag, er eitthvað skrítið í gangi.

Hermann................................8
Hann er að gera svaka fína hluti þarna í vörninni og er greinilega orðinn hörku leiðtogi.

Indriði....................................8
Skilaði sínu mjög vel og bjargaði einu sinni mjög vel er hann skilaði sér til baka þegar Makedóni komst einn í gegn.

Brynjar Björn.........................5
Tók ekki mikið eftir honum svo sem, enda fór hann snemma út af meiddur.

Stefán...................................8
Átti fanta fínan leik. Í stað þess að leita alltaf til baka spilaði hann fram á við og skiluðu sendingarnar sér mjög vel. Tæklaði líka og barðist. Svolítið skrítið hvað hann tapar mörgum skallaboltum þarna á miðjunni þó, þrátt fyrir stærð.

Eiður Smári..........................8
Skilaði sínu líka mjög vel í kvöld. Alltaf hættulegur með boltann og dró greinilega mikið til sín af varnarmönnum. Var líka að hlaupa mikið og trufla þá þegar þeir voru að byggja upp sókn.

Emil......................................6
Finnst bara eitthvað vanta hjá honum. Er eitthvað að reyna en kemur lítið út úr því. Berst þó vel og hleypur mikið. Var fínn varnarlega í kvöld en sóknarlega slakur. Klúðraði algeru dauðafæri í lokinn.

Birkir Már.............................7
Held bara að hann sé betri í vörninni en frammi. Er eitthvað svo klaufalegur þar. Missir boltann langt frá sér og er að reyna að stinga þá af en er étinn af hafsentum því hann sparkar boltanum alltaf svo langt á undan sér. En þó góð barátta í að vinna boltann aftur og skilar sér vel til baka.

Veigar Páll...........................7
Skilaði góðri vinnu og var duglegur fram á við.

varamenn..
Aron Einar............................7
Má vera í byrjunarliði finnst mér. En svo sem ágætt að setja hann rólega inn í þetta. Er ennþá mjög ungur og efnilegur. Mikill baráttumaður en ekki svo öflugur fram á við.

Pálmi Rafn...........................4
Kom inná en sást bara ekki neitt. Komst aldrei í takt við leikinn. var þó að reyna að vera fyrir þeim og tóks sæmilega með það.

Theodór Elmar....................4
Sama með hann og Pálm. Fór ekki mikið fyrir honum og gerði lítið.

Ekki get ég nú sleppt dómaratríóinu.
Komust vel frá þessum leik í heild sinni. Dómarinn var að pikka upp helstu hluti og lét ekki grénjið í Makedónum fara með sig. Aðeins í lokinn sem hann missti sig í spjöldum vegna hugsanlegra tafa. Aron fékk spjald fyrir að skipta um bolta sem í raun tafði leikinn ekki neitt nema bara hugsanlega sá tími sem fór í að gefa spjaldið og skrifa það niður.
Gulli fékk spjald fyrir að hlaupa yfir teiginn með boltann í útsparki í stað þess að fara styðstu leið með hann. Afar ódýrt. Hefði allveg mátt reka bara á eftir honum, en úr því að hann spjaldaði Aron þurfti hann kannski að halda línunni.
Aðstoðardómarar gerðu góða hluti. Voru í góðri línu og frá þeim stað sem ég sat voru ákvarðanir þeirra réttar.

Bensín

Tue, 14 Oct 2008 14:11:20 GMT

Orkan var með auglýsingu í fréttablaðinu í morgun 14.okt þar sem talið er upp verð á bensíni hjá öllum olíufélögunum. þ.e. talið upp hvað það kostaði nokkra daga. Verðsamanburður sem sagt. Þeir segja í auglýsingunni að þeir séu lang lang ódýrastir og eitthvað bla bla.
Svo þegar maður fer að rýna í tölurnar þá kemur það í ljós að ef maður ber saman Orkuna og Atlantsolíu þá eru þeir alltaf með sama verð, utan 2 skipti sem Atlantsolía er lægri og eitt skipti þar sem Orkan er lægri sem nemur 10 aurum.

Fín auglýsing fyrir Atlantsolíu !!

Holland - Ísland - Einkunnargjöf

Sun, 12 Oct 2008 10:35:17 GMT

Ég horfði á leikinn í gær Holland - Ísland og langar svona að ganni að gefa íslenskum leikmönnum einkunnargjöf og umfjöllun eins og mér fannst þeir standa sig.

Gunnleifur..............................................8
Var traustur í markinu. varði nokkru sinnum mjög vel og átti engan séns þegar þessi tvö mörk voru skoðuð.

Ragnar..................................................5
Ryan Babel prjónaði sig framhjá honum trekk í trekk og var augljóslega um algera yfirburði þess hollenska að ræða. Náði þó að stoppa hann nokkru sinnum, en meirihluti sókna Hollendinga fór þarna upp og skapaði oft stórhættu.

Kristján Örn...........................................10
Langbesti leikmaður Íslands og jafnvel vallarinns. Hefur tekið allveg gríðarlegum framförum þessi drengur og var rosalega góður í þessum leik. Stoppaði ófáar sóknir Hollendinga og bjargaði meðal annars á línu. Spilar sig alltaf út úr vandræðum af yfirvegun og er ekki með neitt panic í að negla boltanum bara fram.

Hermann.................................................7
Var mjög fínn í vörninni en fannst svona á stundum eins og hann væri í ójafnvægi. Ekki eins mikið öryggi yfir honum og vanalega. Var seinn út úr vörninni þegar fyrra mark Hollendinga kom og spilaði þar sóknarmanninn réttstæðan.

Indriði......................................................8
var bara nokkuð traustur og hélt Kyut vel til baka. Ekki margar sóknir sem komu upp hægra meginn hjá Hollendingum.

Brynjar....................................................7
Skilar varnarvinnu vel og er furðu öruggur á boltanum. Átti flottan klobba einu sinni sem er alger nýlunda hjá íslenska landsliðinu. Var samt orðinn svolítið tíndur í lokinn, enda ekki búinn að spila mikið lengi.

Stefán.......................................................6
Er ágætur varnartengiliður en er eiginlega of mikill varnartengiliður því hann leitar alltaf til baka, sama hvar hann fær boltann. Það er mun auðveldara að leita alltaf til baka þegar menn fá boltann því allt hitt liðið er á leið til baka í vörn og því losnar um varnarmenn hans. Kom ekkert út úr honum framm á við og því vantaði mikið á milli sóknar og miðju.

Eiður.........................................................5
Verður að fara að nota leikmenn liðsins betur til að reyna að búa til þríhyrninga. var að reyna allt of mikið sjálfur. Losaði sig kannski framhjá 2 leikmönnum Hollands en snéri þá bara við til að reyna að sóla þá aftur. Allavegana nokkur svoleiðis skipti hjá honum í stað þess að reyna að losa boltann á einhvern annan og vonast eftir honum aftur. Fékk einnig tvo ágætis færi sem hann nýtti illa.

Birkir Már..................................................7
Hefur flottan hraða og er svolítið ógnandi fram á við. Gaf manni oft smá von þegar hann fór upp kantinn á Hollendinga. Kom líka til baka og hjálpaði Ragnari í vörninni í seinni hálfleik sem skilaði sér.

Emil..........................................................7
Ágætlega ógnandi fram á við og var að reyna að taka menn á þegar hann fékk boltann. Barðist nokkuð vel. Það vantar þó herslumun hjá honum og má líkt og Eiður gefa boltann þegar hann er kominn framhjá leikmanni.

Veigar Páll................................................7
Átti nokkuð erfitt þarna einn uppi. Reyndi að trufla þá en það er ansi erfitt einn. Gerði þó vel í einhver 2-3 skipti þegar hann fékk boltann uppi og átti ágætis skot á markið. Átti þó til í að missa boltann langt frá sér þegar hann fékk hann sem er hálf klaufalegt.

Theodór Elmar.................................................6
Kom inn á fyrir Ragnar og var að reyna. Komst í sjálfum sér ekki mikið inn í leikinn og hljóp þó út um allt og gerði sitt besta.

Aðrir sem komu inn á komust ekki í takt við leikinn á neinn hátt.

Allt í allt nokkuð fínn leikur hjá þeim gegn Hollandi og ef þeir spila af svipaðri ákefð gegn Makodóníu á miðvikudaginn þá er allt mögulegt. Geri fastlega ráð fyrir því að Eiður verði virkari í þeim leik og þá eru 3 stig í pokanum.

umfjöllun RÚV um íslenska boltann

Mon, 22 Sep 2008 22:59:39 GMT

Var að enda við að horfa á Sportið þar sem fjallað var um LÍ karla í knattspyrnu.

Ég sem píndur áskrifandi hlýt að fara fram á það að þessi umfjöllun verði tekin til endurskoðunar. Hún er bara til háborinnar skammar !
Ekki það að viðmælendur eða stjórnendur þáttarins séu eitthvað leiðinlegir eða svoleiðis, bara það að þessi þáttur er bara ekki neitt neitt.
Umfjöllunin er í 10 mín max og mörk eru ekki endursýnd, það eru engin umdeild atvik tekin til skoðunnar og ekkert fjallað um leikina sem slíka. Það er farið yfir þetta á hraðferð og ef maður blikkar eigunum þá missir maður af eins og einu marki eða svo. Hvernig er hægt að leifa sér þetta ?
Umfjöllun á Sport er mjög fín. Klukkutíma þáttur þar sem leikirnir eru krufnir út í gegn og fjallað vel um hvern og einn leik.
RÚV er eiginlega að ýta fólki út í það að kaupa sér áskrift af Sport, í stað þess að reyna aðeins að halda í áhorfendur, sem þó eru skyldugir til að borga, þannig að það skiptir þá kannski ekki máli þó umfjöllunin sé glötuð.

Einn voða fúll.....

FIFA Assistant Referee

Sat, 20 Sep 2008 20:00:24 GMT

Fékk símtal frá KSÍ fyrir helgi. Kallinn er kominn á lista yfir Fifa Assistant Referee !!
Er verulega ánægður með það og nú er kominn tími til að hækka leik sinn töluvert.

Bara svona segja ykkur frá því.

Hvers vegna ...?

Sun, 14 Sep 2008 09:26:02 GMT

Hvernig stendur á því að lang besti markvörður sem Ísland á í dag er ekki valinn í íslenska landsliðið ?

Gunnleifur Gunnleifsson markvörður HK er sá besti sem við eigum ídag og er allveg óskiljanlegt hvers vegna hann er ekki valinn.

Jú, hann er kannski að fá á sig slatta af mörkum, en það er einungis vegna þess að hann er með lélegustu vörnina í efstu deild fyrir framan sig. Markvörslurnar hjá honum eru oft á tíðum á heimsmælikvarða og hann heldur liðinu algerlega á floti. Svo er hugarfarið hjá honum einnig til mikillar fyrirmyndar.

Vonandi að Óli sjái ljósið og fari að velja hann. Það er bara svo erfitt hjá Landsliðsjálfurum að breyta um þegar þeir hafa valið liðið sitt einu sinni, eða allavegana virðist það vera svo. Þegar menn eru valdir þá virðast þeir ekkert geta spilað sig út úr liðinu. Það hefur allavegana verið þannig í kringum árin. Sjáum hvort Óli og Pétur eru öðruvísi með þetta.

Sá Batman

Mon, 11 Aug 2008 10:21:43 GMT

Skellti mér á Batman - The Dark Knight, um daginn. Svaðaleg filma verð ég að segja. Mikið um hasar, oft vel ýkt en það er jú Batman í hnotskurn. Tvö atriði þó átakanlega léleg. Eða meira eitt atriði og svo eitt sem gengur út alla myndina.
Atriðið er...held að ég eyðileggi ekki fyrir neinum, því það er fyrirsjáanlegt hvernig það endar allan tíman. Það eru tvær sprengjur um borð í tveimur farðegaskipum, troðfullum af fólki. Það eru sprengihnappar í sitthvoru skipunu og svo á fólkið að sprengja upp hitt skipið fyrir klukkan 12, annars verða bæði skipin sprengd upp. Annað skipið er fullt af morðóðum föngum en hitt fullt af venjulegum borgurum. Eftir mikið þóf og klukkan allveg að verða 12 stendur stærsti fanginn upp, tekur sprengihnappinn og hendir honum út um gluggan. En samt vildu allir sprengja upp hitt skipið. Svipað dæmi hinu meginn. Það var eitthvað svo klisjukennt við þetta að ég fann svona aulahroll renna niður bakið á mér. Hafði frekar viljað sjá fangaverðina, sem voru með sprengihnappinn, hafa samvisku og henda honum út og lenda svo í átökum við fangana í smá tíma. En það er jú bara ég.

Hitt atriðið er álíka aulalegt. Þegar Batman talar í búningnum sínum er það svo fáránlega hallaræsleg rödd að það hálfa væri nóg.

En burt séð frá þessu þá er myndin þrælgóð og frábær leikur hjá öllum leikurum. Allra bestur var Heath, heitinn, Ledger magnaður sem Jokerinn. Allveg hreint út sagt frábær frammistað og tel það víst að hann fái óskarinn fyrir hlutverk sitt.

-//-

Eitt sem ég verð að létta á mér hér með, er umfjöllun íþróttamanna af undirbúningstímabili enskra liða. Það er bara fjallað um Liverpool, Man.utd og Arsenal, í þessari röð, hjá þeim. Stöð 2 Sport er verst í þessu. Fjalla bara um æfingaleiki Liverpool út í eitt og sætir það stórfrétt hjá þeim að Liverpool skuli ekki hafa tapað leik á æfingatímabilinu. Hafa samt í raun ekki verið að spila við nein almennileg lið en samt er þetta merkilegt hjá þeim. Talað um Man.utd og Arsenal hafa unnið þetta og hitt smámótið, eins og t.d. Man.utd hafi unnið Peace Cup eða hvað það var í Afríku.
Man ekki betur en að Tottenham hafi rúllað þessum liðum upp í fyrra og árið þar á undan án þess að nokkur annar en Tottenham aðdáandi vissi af því hér á landi. Tottenham vann nú í ár Jubilee mót í Hollandi þar sem Celtic, Dortmund og Feyenoord voru að spila líka. Það hefur ekki þótt fréttnæmt. Einnig pakkaði Tottenham, Roma saman 5-0 án þess að nokkur miðill talaði um það, að undanskildu ruv.is sem var með 4 línur um það á sinni vefsíðu.

En svona er þetta víst, það eru ekki nógu margir aðdáendur Tottenham hér á landi, þannig að það á þá ekkert að fjalla um það. Bætast ekki margir í hópin heldur með þessu móti, þar sem ekkert er fjallað um þá.
Það mun breytast á þessu tímabili því ég er handviss um að Tottenham nái 4. sætinu í ár.